Asociación Asturiana d´Antropoloxía y Patrimoniu Etnolóxicu

L'Asociación Asturiana d'Antropoloxía y Patrimoniu Etnolóxicu/Asociación Asturiana de Antropología y Patrimonio Etnológico (ASAPE) naz en 2014 col envís de visibilizar l'Antropoloxía como disciplina y oficiu.

 

L'ausencia de departamentu d'Antropoloxía na Universidá d'Uviéu convirtió a la UNED en catalizadora de la molición por esta disciplina, desque s'implantó la llicenciatura en 2003. ASAPE, que se xesta nesti contestu, ye l'espaciu d'alcuentru ente profesionales de l'Antropoloxía, persones titulaes  y estudiantes, a quien xune l'interés pol desenvolvimientu de la ciencia antropolóxica nel Principáu.

 

ASAPE promueve actividaes empobinaes a esparder la disciplina y la so perspectiva, amás de realizar asesoramientos de calter técnicu nesti campu.

 

La referencia espresa al patrimoniu etnolóxicu nel nome de l'Asociación obedez al convencimiento de qu'esti ámbitu ufierta una bona vía d'accesu pa la intervención, profesionalización y visibilización de l'Antropoloxía.